WEBER FLOOR 4040 COMBI RAPID (5KG)

Weber Floor 4040 Combi Rapid er hraðharðnandi fín múrblanda sem má bæði nota sem viðgerðarmúr og sem sementsbundið gólfspartl. Þykkt og þéttleiki múrblöndunar ræðst af magni vatns sem er blandað samanvið.
Efnisþörf er ca 16kg á fermeter m.v. 10mm þykkt lag. Þykktarsvið er 1-50mm. Umbúðir eru 5kg og 15kg poki. Vatnsþörf í 5 kg: 1,1-1,2 L. Vatnsþörf í 15 kg poka: 3,3-3,6L.

Notkunarsvið
Weber Floor 4040 Combi Rapid er ætlað til viðgerða, hleðslu og fínspörtlunnar á öllum flötum innandyra. Ekki er þörf á frekari yfirborðsmeðhöndlun svo sem slípun eða fínspörtlun. Fullþornað hentar efnið mjög vel undir öll gólfefni. Hinn stutti þurrktími leyfir yfirmálun eftir nokkra klukkutíma.

Undirvinna
Undirlagið skal vera hreint og laust við lausan múr, sementslamma, raka, fitu og önnur óhreinindi sem komið geta í veg fyrir góða viðloðun. Styrkur undirlags þarf að vera a.m.k. 0,5 MPa fyrir fínspörtlun og a.m.k. 0,8MPa fyrir þykkari lög. Ef laga þarf lakkað gólf skal slípa yfir með sandpappír og matta yfirborðið. Grunnið síðan með Weber Floor 4716 í hlutföllunum 1:1, stráið þurru múrefnið í blautan grunninn og kústið saman. Látið þorna og undirlagið er tilbúið til aðgerða.

Grunnur
Grunnið með Weber Floor 4716 og blandið hann 1 hluta grunn og 3 hlutar vatn (sjá tæknilýsingarblað).

Blöndun og lögn
Vatnsmagn er 3,3 – 3,6 lítrar í 15 kg. poka. ( 1,1-1,2 L í 5kg pakkningu). Hrærið saman með hæggengri borvél í u.þ.b. 3 mínútur. Blandið ekki meira efni en notað er á 5-10 mínútum. Ekki má bæta við meira vatni eftir að blöndun er lokið.

Ásetning
1. Berið efnið á flötinn, annaðhvort með skeið eða spaða. Fyllið sárið og sléttið ef um viðgerð er að ræða. Við spörtlun hvort sem er á veggjum eða gólfið er efnið borið á og jafnað með spaða.

2. Ef þarf að slípa saman samskeyti eða laga eitthvað má gera það þegar efnið hefur harðnað nægjanlega.

3. Athugið að uppgefnir þurrktímar eru háðir því að hiti sé um 20°C, loftraki RF ca 40% og næg loftræsting.

Athugið
Floor 4040 Combi þornar nægjanlega á ca 2 klst til að leggja gólfefni á flötinn, svo framarlega að viðkomandi efni þoli 80%RF. Best er að ráðfæra sig við seljendur gólfefnisins um hvernig mæla skuli rakastig í undirlaginu og við hvaða rakamörk skal miða.

Weber Floor 4040 Combi Rapid er hraðharðnandi fín múrblanda, ætluð til viðgerða, hleðslu og fínspörtlunnar á öllum flötum innandyra. Þjálni efnisins fer eftir vatnsmagni og getur verið frá nánast fljótandi til pastakendrar áferðar.