Weber 4310 er dælanlegt flotefni sem er auðvelt í notkun. Ekki er þörf á frekari yfirborðsmeðhöndlun eftir lögn, svo sem slípun eða fínspörtlun. Yfirlögn flísa með sementsbundnum flísalímum má framkvæma eftir ca 24 klst. Parket og dúk má leggja eftir 1-5 vikur eftir aðstæðum og þykkt ílagnar. Uppfyllir kröfur “husAMA” um flotefni.
Á sterkt undirlag, svo sem steinsteypta fleti 4-50 mm Á léttsteypu undirlag: 6 – 40 mm
Undirlagið skal vera hreint og laust við lausan múr, sementslamma, raka, fitu og önnur óhreinindi sem komið geta í veg fyrir góða viðloðun. Ef flota þarf yfir lakkað gólf, skal slípað yfir með sandpappirslípivél og lakkið mattað. Grunnið síðan með MD-16 1:1 og stráið þurru efni í blautan grunnin og kústið saman. Látið síðan þorna og er þá undirlagið tilbúið undir flotun.
Grunna skal með MD-16 og blanda hann 1 hluti grunnur og 3 hlutar vatn. Sjá leiðbeiningar um notkun á MD-16 við mismunandi aðstæður.
Vatnsmagn er 5,25 lítrar í 25 kg. poka. Blandið saman með hæggengri borvél. Ef dæla á efninu, leitið þá upplýsinga hjá söluaðila. Mælið flotið í efninu (samkv. SS 923519) með hring sem er 50x22mm. Athugið einnig við flotprufu hvort efnið sé nægjanlega vel hrært saman. Gott er að draga úr efninu með tenntum spaða, til að losa loft úr efninu.
Umsagnir
Það eru engar umsagnir enn.