ARDAFLEX TOP2 FLÍSALÍM (25KG)

Efnisþörf
1,5-3kg á fermeter. Vatnsþörf: 7L í 25kg poka. Göngufært eftir ca 12 klst ( eftir aðstæðum). Umbúðir: 25kg poki

Notkunarsvið
Ardaflex Top2 flísalím er ætlað til límingar á gólf og veggflísum, náttúrustein, mósaik o.s.fr. Efnið má nota inni sem úti, í votrýmum, á svalir og yfir hitalagnir. Með léttari fylliefnum nær Ardaflex Top2 mjög góðum yfirborðsstyrk og er mun léttara í vinnslu en hefðbundin flísalím. Gott i vinnslu, mikill styrkur ( högg og togþol )

Undirlag
Undirlagið skal vera hreint og laust við lausan múr, sementslamma, raka, fitu og önnur óhreinindi sem komið geta í veg fyrir góða viðloðun. (DIN 18157 kafli 1)
Nýsteypt gólf þurfa að hafa náð fullri hörðnun. (ca 48 dagar). Ef undirlag er mjög ójafnt þarf að slétta það, annaðhvort með flotun eða spörtlun.
Ef líma þarf á lakkað gólf / veggi, skal slípað yfir með sandpappír og lakkið mattað. Grunnið síðan með Deka Akryl (Ath. best er að fjarlægja alla málningu og líma beint á steyptan flötinn ef því verður við komið).
Ef undirlag er mjög rakadrægt þarf að tvígrunna með Deka Akryl eða Ardal Grundfestiger.
(Ráðfærið ykkur við sölumenn ef í vafa)

Undirbúningur
Grunnið með Ardal Grundfestiger á rakadrægt undirlag, eða Ardal Ardapren á þétt lokað undirlag.
Í votrýmum þarf að kvoða yfir grunninn með Ardal Flexdicht. Ef leggja á flísar undir vatnsyfirborð, eða úti, svo sem á sundlaugar, svalir, stéttar o.s.fr. þarf að kvoða með Ardalon K2. (Sjá viðeigandi leiðbeiningar)

Ásetning
Blandið 7L af vatni í 25kg poka af flísalími og hrærið vel með hæggengri borvél þar til efnið er kekkjalaust og réttri þjálni er náð. Látið standa í 3- 5mín og hrærið aftur. Notið tenntan flísaspaða til að dreifa efninu. Smyrjið því fyrst á með sléttu hliðinni og skafið síðan til með tenntu hliðinni til að fá rétta dreifingu. Gætið þess að smyrja ekki á of stórann flöt í einu. Ef skán byrjar að myndast á líminu, þarf að skafa það af og leggja nýtt lím. Þrýstið síðan flísinni í límið og nuddið henni vel í til að tryggja að hún fái nægilega góða viðloðun. Athugið reglulega með því að plokka upp nýlagða flís, hvort límið dreifist ekki nægilega vel á bakhliðina. Í sumum tilfellum getur þurft að smyrja lími bæði á undirlag og bakhlið á flís. Eftir að flís er lögð í lím, þá er hægt að laga hana til í 10-15mín(eftir hitast.) eftir það nær flísin ekki fullri viðloðun aftur ef hún er hreyfð. ATH um fúgubreidd og val á tannastærð flísaspaða skal leita upplýsinga hjá sölumönnum flísanna

Kostir
Má nota í drykkjarvatnstönkum
Lágt króminnihald samkv. TRGS 613
Uppfyllir kröfur C2 samkv. EN 12004-02
Má nota í votrýmum
Má nota yfir gólfhitalagnir
Má nota úti (frost og vatnsþolið)

Ardaflex Top var notað í þessar byggingar:
Harpa
Laugardalslaug
Laugardalshöllin
Flugstöð Leifs Eiríkssonar