DEKA HRAÐ MÚRBLANDA (5KG)

Deka Hrað er hraðharðnandi tilbúin múrblanda sem rýrnar ekki. Hentar í alhliða múrviðgerðir úti sem inni, t.d. tröppur, veggi, gólf o.s.frv.
Efnisþörf er ca 10 kg m.v. 5 mm þykkt lag. Þykktarsvið í einni lögn er 5-25 mm. Umbúðir eru 25kg poki og 5kg fata. Vatnsþörf í 5kg: 0,6-0,7L. Vatnsþörf í 25kg: 3-3,3L
Notkun

Deka hrað er alhliða hraðharðnandi tilbúinn múrblanda sem rýrnar ekki. Það þarf einungis að blanda köldu vatni saman við efnið og þá er það tilbúið til notkunar. Deka hrað hentar í alhliða múrviðgerðir úti sem inni, s.s.á tröppur, veggi, gólf o.s.frv.
Eiginleikar

Deka hrað er slitsterkt, sementsbundið steypu- og múrviðgerðarefni, með mjög góða viðloðun. Frostþolið og vatnsþétt þegar fullri hörku er náð. Framleitt úr Portlandsementi, ofnþurkuðum kvartssandi ásamt íblöndunnarefnum til að auka hröðun, viðloðun og vinnslueiginleika.
Þykktarsvið

Á sterkt undirlag, svo sem steinsteypta fleti 5-25 mm
Notkunnartími: 7 mín. Hörðnun byrjar eftir 10 mín. Göngufært: 16 mín.

Varúð

Ertir augu, öndunarfæri og húð, Getur valdið ofnæmi í snertingu við húð. Geymist þar sem börn ná ekki til. Varist snertingu við húð og augu. Berist efni í augu skal strax skola vandlega með miklu vatni og leita læknis. Norið viðeigandi hlífðarhanska.

Undirvinna

Viðgerðarflöturinn skal vera hreinn og laus við lausan múr, sementslamma, raka, fitu og önnur óhreinindi sem komið geta í veg fyrir góða viðloðun. Gott er að skera með slípirokk til að mynda afmarkaða skarpa brún. Ef skemmdin nær inn í járn skal fjarlægja alla lausa steypu frá járninu og hreinsa járnið með vírbursta eða slípirokk. Berið síðan á járnið Betokem BETOHEFT, sem er sementsbundið ryðvarnarefni.
Grunnur

Bleyta þarf undirlagið fyrir lögn. Mjög rakadrægt undirlag þarf að bleyta vel daginn áður. Í mjög erfiðum aðstæðum er gott að kústa með blöndu af Deka hrað og Deka akryl.
Blöndun og lögn

1. Hrærið Deka hrað út í kalt vatn. Hellið efninu út í vatnið og hrærið með hæggengri borvél. Látið standa í 1-2 mín og hrærið síðan aftur.

2. Bleytið eða kústið viðgerðarflötin, og kastið/leggið múrblönduna í blautt undirlag.

3. Ef viðgerðin er þykkari en 25mm þarf að fara fleiri umferðir. Ýfið yfirborðið og leggið næstu umferð eftir ca 15-20 mín. Ef lengra líður á milli og yfirborðið þornar alveg, þá þarf að grunna aftur.

4. Hitastig verður að vera minnst 5°C í 12 klst eftir notkun. Verjið flötinn fyrir of hraðri þornun. Ef hitastig er lágt 5-10°C þá getur verið gott að breiða yfir flötinn til að flýta fyrir þurrkinum.
Vottanir: EN 1504-3