Góð ráð við málun á pöllum, girðingum, þakköntum og veggjum

colorex þekjandi viðarvörn

Sumarið er tíminn til að bera á pallinn og girðinguna. Hér eru nokkur góð ráð um það hvernig best er að bera sig að, hvort sem nota á pallaolíu eða viðarvörn. Góður undirbúningur er lykilinn að góðum árangri. Ferlið er einfalt, hreina, grunna og svo mála.

Hreinsa

Byrjið á að skrapa í burtu alla gamla lausa málningu. Skafa eða vírbursti henta vel í þetta. Gott er að nota hreinsiefni s.s. Tralltvatt. Gætið þess að verja glugga til að koma í veg fyrir ætingu og málningarslettur. Skolið hreinsiefni af fletinum með hreinu vatni. Mattið alltaf yfirborð með sandpappír, sérstaklega ef flöturinn hefur verið málaður áður.

Gott er að fjárfesta í góðri sköfu. Það léttir vinnuna við að skafa. Mundu einnig eftir að breiða plast á jörðina þannig að auðveldara sé að hreina upp málningarflögur. Notið alltaf öryggisgleraugu eða andlitshlíf.

Hreinsiefni fyrir palla
BIOkleen Tralltvat

Grunna

Ómeðhöndlað timbur þarf að grunna vel t.d. með Colorex Classic grunnolíu eða Colorex útigrunni. Gæti þess að metta timbrið vel. Það er gott ráð að dýfa endum planka ofan í fötu með grunni til að tryggja mettun.

Mála

Ef nota á þekjandi viðarvörn þá þarf að grunna með Colorex útigrunni og mála svo tvær umferðir með Colorex Oden þekjandi viðarvörn. Fleti sem hafa áður verið málaðir þarf ekki að heilgrunna heldur bletta í skemmdir og mjög slitna bletti. Mikilvægt er að slípa fleti sem hafa áður verið málaðir með sandpappír til að tryggja viðloðun.

Ef nota á olíu/pallaolíu þá má mála beint á gagnvarinn og grunnaðan við með Oden eðalolíu eða Landora 30 tréolíu. Farið nokkrar umferðir, þar til viðurinn er mettur. Þurrkið umframolíu af láréttum flötum til að koma í veg fyrir að þeir myndi filmu sem getur flagnað. Markmiðið er að metta viðinn, ekki skilja eftir filmu á honum.

 

Þekjandi viðarvörn
Colorex þekjandi viðarvörn – hús við sjóinn

Gott að hafa í huga

Ef þú veist ekki hvernig málning var notuð áður, þá er gott að nudda lítið svæði með spritti. Ef málningin leysist upp þá er þetta akrylmálning. Þekjandi viðarvörn leysist ekki upp.

Ekki mála í mikilli sól eða hita þar sem þá er hætta á að viðarvörnin nái ekki að smjúga inn í viðinn áður en hún þornar. Dögg á yfirborði getur komið í veg fyrir að viðarvörn þorni.

Mælt er með að byrja að mála vindskeið og þakkanta, því næst veggina, þá pallinn og síðast eru gluggar, grindverk og stoðir málaðar. Málið hvern flöt í einni aðgerð og stoppið ekki nema á hornum þar sem nýr flötur byrjar til að tryggja jafnan þurrk og útlit.

Þú færð góð ráð hjá starfsfólki Múrbúðarinnar

Múrbúðin – Gott verð fyrir alla, alltaf!

Vörur sem koma fram í texta:

Colorex Oden eðalolía https://murbudin.is/vara/05-oden-edalolia-27l-glaert/

Colorex Oden þekjandi viðarvörn https://murbudin.is/vara/06-1-oden-thekjandi-vidarvorn-282l/

Colorex Oden útigrunnur https://murbudin.is/vara/07-1-oden-utigrunnur-3l/

Colorex Oden grunnolía https://murbudin.is/vara/08-1-oden-grunnolia-3l/

Colorex Landora 30 tréolía https://murbudin.is/vara/10-treolia-30-3l-glaert/

BIOkleen TRALLTVÄTT https://murbudin.is/?s=TRALLTV%C3%84TT&post_type=product