Leiðir til að lagfæra sprungur í steyptum veggjum

Sprungur í steyptum veggjum eru óæskilegar. Bæði eru þær ekki fallegar að sjá og í vesta falli þá getur lekið inn um þær. Eins er ekki gott að vatn komist í steypta veggi því þegar það frystir þá þenst vatnið út og skemmir út frá sér.

Rannsóknastofnun byggingariðnaðarins (RB) heitin gerði rannsókn á því hvernig best væri að lagfæra sprungur í steyptum veggjum. Í þeirri rannsókn kom fram að gagnsemi sprunguviðgerða væri tvíþætt:

Að þétta sprungur, þ. e. hindra að vatn gangi inn í þær, og stuðli þannig að hærra rakastigi í steininum með hættu á t. d. frost- og alkalískemmdum, eða að vatn gangi í gegnum þær og valdi þannig einnig leka.
Að fela sprungur, þannig að þær spilli ekki útliti, en slíkt er gjarnan gert með málningu, en hefur oft gengið illa til lengdar. Erfitt er að fela sprungur á steinflötum sem ekki skal mála.

Niðurstöður RB voru á þá leið að vatnsfælur, þ.e. sílan virki mjög vel til að stöðva upptöku vatns í fíngerðum sprungum, eða þeim sem ekki eru víðari en 0,15 til 0,25mm. Þetta eru svokallaðar háræða sprungur.

Deka sílan ver steypta fleti, lokar míkrósprungum og hrindir frá sér vatni.

Fyrir svona fíngerðar sprungur þá gefur góða raun skv. rannsóknum RB að bera ríkulegt magn af vantsfælu (sílani) á sprungurnar þegar þær eru vel þurrar og mála (blettmála) síðan þykkt yfir þær með þykkfljótandi, þurrefnisríkri málningu sem gefur teygjanlega húð. Gott er að bíða 3-4 daga frá því að sílan er borið á, áður en málað er. Hjá Múrbúðinni fæst bæði góð sílan vantsfæla og góð þurrefnarík akrýl málning sem teygist vel.

Hér færð þú meiri upplýsingar um sílan sem Múrbúðin selur [Smelltu hér]

Inndæling með epoxy efnum

Séu sprungurnar breiðar þá hefur reynst vel að nota svokallaða innþrýstitækni eða inndælingu eins og hún er oftast kölluð, Í þessu tilviki er þéttiefni dælt í sprungurnar, sem límir þær saman og kemur í veg fyrir leka.

Webac indælingarefni — Inndælingarefni dælt í sprungu

Þegar þessi tækni er notuð þá eru boruð göt í þvert á sprungurnar og inndælinganipplum komið fyrir. Síðan er inndælingarefninu dælt í sprunguna og henni lokað þannig. Hjá Múrbúðinni fæst Deka Topp Epoxy inndælingarefni sem hafa reynst mjög vel á Íslandi auk allra verkfæra sem þú þarft.

Hér er tengill beint á Deka Topp inndælingarefni. Hafið samband við sölumenn varðandi annan búnað sem þarf s.s. inndælingarnippla og pumpur. [Smella hér]

Fljótleg og hagkvæm leið til að lagfæra sprungur sem leka ekki

Hjá Múrbúðinni færð þú Metolux Metoset, sem er mjög sterkt resin efni, hannað til að fylla uppí sprungur. Metoset kemur í 480g “kítti” túbu sem passar í venjulega kíttigrind.

Byrjað er á að hreinsa allt lauslegt efni úr sprunginni. Hægt er að nota slípirokk til að víkka sprungurnar. Við mælum með að nota EHWA V Crackchaser demantsskurðarblað, sem víkkar sprungur á mjög þægilegan hátt. Hreinsa allt laust efni og svo er Metolux Metoset borið í sprunguna. Gæti þess að láta efnið ekki standa uppúr sprunginni heldur sléttið það vel. Þegar Metoset harðnar þá verður það mjög hart og erfitt er að pússa það niður.

Metolux Metoset viðgerðarefni fyrir steypu — Metolux Metoset mjög sterkt og lokar sprungum í steypu vel

Ábending: Metoset Metolux er auðvelt í notkun, en það harðnar hratt og verður mjög hart. Því er mikilvægt að strjúka vel úr því áður en það harðnar í sprungunni. Hafið yfirborð aðeins lægra en á veggnum og fyllið uppí með múrviðgerðarefni t.d.. REP980. Leitið ráðlegginga hjá sérfræðingum Múrbúðarinnar.

Hér er tengill á myndband sem sýnir hvernig Metoset er notað til að gera við mjög illa sprungin vegg á húsi

Nánari upplýsingar um Metoset finnur þú hér [Smella hér]